Enric Farrerons Garcia (Blur arquitectura) arkitekto katalanak sinatutako Zag-zig izeneko lanak irabazi du Mendaroko ikastolako patioa estaltzeko lehiaketa. Bigarren lekuan geratu da Michele Corbani eta José Bellido Nuñez Iruñeko arkitektoen lana, eta hirugarren lekua Eibarko Nestor Perez Valenciagarentzat izan da. 9.000 euro, 1.500 euro eta 1.000 euroko sariak eskuratu dituzte, hurrenez hurren.
•Zuhaitzpean, herritarren proiektu gustukoena
Udaleko arduradunek jakinarazi dutenez, aurkeztutako lanen maila “oso ona” izan da. Hala ere, herritarren partaidetza “nahiko txikia” izan dela nabarmendu du Irune Berasaluze Mendaroko alkateak. Dena den, Ikastolan bertan ikusi dituzte aurkeztu diren lanak, eta euren iritzia ere eman dute. Haientzat, hirugarren lekuan geratu den proposamena (Zuhaitzpean), Nestor Perezek aurkeztutakoa, izan da gustukoena.
Argazkiak:
|
|
|
|
*Argazkiak: Mendaroko Udala.