Jarraitu hauteskundeen emaitzak gurekin. elgoiBARREN.net-ek udal hauteskundeen jarraipen berezia egingo du domeka gauean. 21:00etatik atzera, emaitzak jakin ahala argitaratuko ditugu atarian, eta baita sare sozialetan (Facebook eta Twitter) ere.
•Ale berezia astelehenean
Emaitza guztiez gain, Elgoibarko alkategaien balorazioa ere jasoko dugu astelehenean, hauteskundeen biharamunean, banatuko dugun ale berezian. Elgoibarko eta Mendaroko puntu estrategikoetan (okindegi, taberna, BARRENeko erredakzioan, e.a.) banatuko dugu ale berezia.
•Hautesle-erroldak
Domekan, maiatzaren 22an, 9:00etan zabalduko dituzte hauteslekuak, eta 20:00etan itxi. Elgoibarren, 11.356 lagun daude erroldatuta, eta horietatik 8.983 daude botoa ematera deituta. Mendaron, berriz, 1.929 lagun daude erroldan izena emanda, eta horietatik 1.475ek eman ahal izango dute botoa.
∞Lotura duten albisteak:
- PSE-EEko kideak arrosak banatzen ibili dira merkatuan (2011-05-19)
- Alfredo Etxeberria: “Lanpostuak sortzea izango da legegintzaldi berriko erronka nagusietakoa” (2011-05-19)
- PPko hautagaiak botoa eskatzen ibili dira Elgoibarko kaleetan (2011-05-17)
- Bilduk aldaketa ekarriko duela agindu dute koalizioko hautagaiek (2011-05-16)
- Joanes Rodriguez: “Herriko gazteei babesa eskainiz bakarrik lortuko dugu etorkizuneko Elgoibar” (2011-05-11)
- Bildu hauteskundeetan egongo da (2011-05-06)
- Alkategaiak galderak erantzuten (2011-05-04)
- Argitaratu dituzte hauteskundeetarako hautagaien zerrendak (2011-04-20)