Jon & Sugramas eta Dukes taldeen kontzertua barixakuan

elgoibarren.net 2011ko eka. 2a, 11:46
Deskargatu Info Ahotsak :
Español English Français Català Galego

Jon & Sugramas blues-rock talde gipuzkoarrak eta Berlingo Dukes hard rock taldeak hiru kontzertuko bira txikia egiten ari dira Euskal Herrian. Gasteizko Ibu Hots aretoan joko dute gaur (ekainak 2); eta, bihar, barixakua, Elgoibarko Kultur Etxeko sotoan eskainiko dute kontzertua.


  Arima Beltzako abeslari eta Uek taldeko bateriajole izandako Jon Gurrutxagaren proiektu berria da Jon & Sugramas. Gurrutxagaz gain, Andoni Mujika elgoibartarrak eta Ekaitz Garmendia eta Ivan Hernandez azpeitiarrek osatzen duten Jon & Sugramas taldea. Joan zen ekainean atera zuten diskoa Gaztelupeko Hotsakekin, eta neguan emanaldi elektrikoak nahiz akustikoak tartekatzen hasi ziren. Ingelesez eta euskaraz abestutako rocka egiten dute, eta bluesaren eragina ere nabari da euren abestietan, baina batez ere, 70eko hamarkadako rock taldeen eragina dauka taldeak.

•Hard rock doinuak Berlinetik

1706638961620 Jon & Sugramas eta Dukes taldeen kontzertua barixakuan

Dukes Berlingo Kreuzberg auzoko talde esanguratsua dugu. Alemaniako hiriburuan aski ezaguna den banda honek hard rock-a abiapuntutzat badu ere, gaur egungo beste hainbat estilorekin indartzen ditu bere errepertorioko kantuak. Laukote alemaniarrak estreinakoz bisitatuko du Euskal Herria. Zapatuan eskainiko dute bira txiki honetako azken kontzertua Hondarribiako Psilocybenean.
Bi taldeen kontzertua 22:00etan hasiko da.
 
∞Lotura duten albisteak:
 
 
 
Kultura Elgoibar