Oin Alai bereziarekin ospatu dute ekimenaren lehen urteurrena

elgoibarren.net 2011ko eka. 3a, 15:07

{vimeo}24610706{/vimeo}Haurrek eskolarako bidea oinez egiteko sortu zuten Oin Alai, orain urtebete. Lehen urteurrena ospatzeko Oin Alai berezia egin dute gaur (ekainak 3). Hala, malabarista, pailazo, Mauxitxa txaranga eta dultzaineroen laguntzarekin egin dute eskolarako bidea ikasleek. (argazkiak eta bideoa dauzka)

1706638958609 Oin Alai bereziarekin ospatu dute ekimenaren lehen urteurrena

Nahi zuen edonork parte har zezakeen gaur Oin Alai ekimenean, izena emanda ez dagoen jendeari nola funtzionatzen duen ezagutaraztea baitzen gaurko Oin Alai bereziaren xedeetako bat. Amaitzear dagoen ikasturte honetan, 110 ikaslek parte hartu dute ekimenean. Umeei laguntzeko boluntario eta gurasoek egin duten lana ere ezinbestekoa izan da, eta hasieratik Oin Alairekin bat egin duten hiru boluntarioren (Mila Fernandez, Jose Mari Igartua eta Jon Garate) iritziak jaso ditugu goiko bideoan.