Altzolatarren Dorretxeko jatorrizko atea ‘Burdinoletatik erreminta makinara’ erakusketan

elgoibarren.net 2011ko eka. 10a, 10:31
Deskargatu Info Ahotsak :
es en fr

Burdinoletatik makina erremintara izeneko erakusketa inauguratuko dute, gaur (ekainak 10), Kultur Etxeko erakusketa gelan. Fabrikazio mekanikoan erabilitako prozesuen jatorria eta eboluzioa modu didaktikoan erakutsiko du erakusketak, baina gure industri ondarearen altxor bat ere jarri dute ikusgai: Altzolatarren Dorretxeko 500 urteko forja burdinazko jatorrizko atea. (argazkiak dauzka)


  “Aintzinatasunagatik Elgoibarko atea, letra larriz, dela esan dezakegu”, adierazi du Alfredo Etxeberriak Altzolatarren Dorretxeko jatorrizko ateaz. 500 urte inguru izan ditzakeela azaldu du Pedro Ortuondo Makina Erremintaren Museoko zuzendariak.

1706638932970 Altzolatarren Dorretxeko jatorrizko atea ‘Burdinoletatik erreminta makinara’ erakusket

Gaur Egun Kultur Etxea hartzen du Altzolatarren Dorretxeak eta eraikinaren inguruko lehen datuak XV. mendekoak dira. XV. mendeaz geroztik leinu argiko dorreetako sarreratan egoten ziren forja-burdinezko ateak. Erdi aroan, defentsa moduan, eraikineko lehenengo solairuan kokatuta egoten ziren. Harrizko eskaileratatik edo aireztapeneko patiotik joaten zen bertara.  Geroago, XVI-XVIII mendeetan, beheko solairuetan kokatu zituzten, eraikin hauek baserri edo jauregi bihurtzean.
Udaleko langileek Kultur Etxea egiteko lanak hasi zituztenean topatu zuten atea, Merkatu plazako gela batean gordeta. Zaharberritu ostean, Makina Erremintaren Museora eraman zuten atea, eta bertan dago ordudanik. Orain, atearen bi zatietako bat ekarri dute Kultur Etxera.
•Museotik Kultur Etxera

Museoan egoten da atea.

 

Atea, Museotik Kultur Etxera garraiatzeko prest.

Pisu handia dauka burdinazko ateak.

Udaleko langileak arduratu ziren atea garraiatzeaz.
•Burdinoletatik erreminta makinara erakusketa
  Burdinaren industriaren arrastoa ireki eta finkatu zuten Elgoibarko olagizonak, forjariak eta aitzindariak omendu nahi ditu Makina Erremintaren Museoak Burdinoletatik erreminta makinara izeneko erakusketarekin. Ekainaren 10etik 25era bitartean egongo da zabalik erakusketa. Astelehenetik larunbatera, 19:00etatik 21:00etara.

1706638933358 Altzolatarren Dorretxeko jatorrizko atea ‘Burdinoletatik erreminta makinara’ erakusket

1706638933460 Altzolatarren Dorretxeko jatorrizko atea ‘Burdinoletatik erreminta makinara’ erakusket
  *Argazkiak: Ander Salegi.
 
 
 
Gizartea Elgoibar