Lau t'erdiko pilota txapelketa iritsi da amaierara, eta gaur (ekainak 17) arratsaldean jokatuko dute final nagusia: 19:00etan hasiko da partida Plaza Handian. AgirrebeÒa eta Inaki Lazarobaster ìBerasetaî ailegatu dira finalera.
|
|
•Bederatzi bikote emakumeen pala txapelketan
Lau t'erdikoaren ostean, emakumeentzako pala txapelketa antolatu du 10 Bai Taldeak. Bederatzi bikotek eman dute izena dagoeneko eta datorren astelehenean jokatuko dituzte estreinako partiduak Plaza Handiko frontoian. Finala uztailaren 15ean jokatuko dute.
Bestalde, joan zen barixakuan (ekainak 10) jokatu zituzten Lagunak Pilota Txapelketako finalak Plaza Handian. Herritar ugari batu ziren frontoi inguruan, eta pilota ikuskizun polita eskaini zuten pilotariek. Ondorengoak izan ziren emaitzak:
- Beraza 12 - Maiora 18 (Aurre-benjaminak)
- Iriondo 16 - Fernandez 18 (Benjaminak)
- Astigarraga 11 - Beraza 18 (Alebinak)
- Urruzola 18 - Loidi 14 (Infantilak)