•Diploma banaketa ekitaldia
Barixaku honetan, ekainaren 24ean, Elgoibar BH Institutuko diplomak banatuko dituzte Herriko Antzokian. Ekitaldia 19:00etan hasiko da. Batxiler, ZIG eta zikloetako bigarren mailako ikasleek jasoko dituzte diplomak, ikasturtean zehar eginiko ahaleginaren errekonozimendutzat. Horiez gain, Ohorezko Matrikulak lortu dituzten ikasleek aipamen berezia jasoko dute. Urtero egin ohi duten moduan, gonbidatu bereziak ere eramango dituzte Herriko Antzokira eta euren eskutik jasoko dituzte diplomak ikasleek. Ekitaldiaren amaieran, 21:30ak aldera, elkarrekin afalduko dute ikasle eta irakasleek. Gurasoak ere ekitaldian parte hartzera gonbidatuta daudela jakinarazi dute ikastetxeko arduradunek.