BTT irteera dela-eta, ezingo da erabili Mintxetako aparkalekua

elgoibarren.net 2011ko eka. 24a, 12:21
Deskargatu Info Ahotsak :

 
Datorren domekan egingo dute Debabarrena BTT martxa, eta, ondorioz, Mintxetako aparkalekuak ezingo dira erabili. Udal Kirol Patronatuak Mintxetara oinez joateko eskaera egin du. Domekarako, gainera, bero handia izango dugula iragarri dute.



 BTT martxa 9:00etan hasiko da, eta 13:00ak aldean itzuliko dira partaideak aparkalekura. Lasterketaren ostean, aparkalekuan jarri den karpan bazkaria egingo dute. Bazkariaren prezioa 10 eurokoa izango da eta aurrez izena eman behar da debabarrenaturismo.com helbidean.

1706638893346 BTT irteera dela-eta, ezingo da erabili Mintxetako aparkalekua

Partaideek, bestalde, igerilekura sartzeko hiruna sarrera jasoko dituzte. Debegesak, Elgoibarko Udal Kirol Patronatuak, Bikeibar, Amerikutz eta Mintxeta Atletismo Taldeak antolatu dute domekako irteera, eta partaideek bi ibilbide izango dituzte aukeran: bata 45 kilometrokoa eta bestea 25 kilometrokoa, baina biak ere zailtasun handikoak direla aurreratu dute antolatzaileek.
 
 
 
 
Kirola Elgoibar