San Juan suek argitu zuten gaurik motzena

Elgoibarko baserri askotan bizirik dirau oraindik supazterrak pizteko ohiturak. San Juan bezperako gauaren iluntasunean han-hemen ikusten ziren suak. Ikusgarriena eta handiena, baina, Altzolan egin zuten, Deba ibaiaren erdian. Atzo hasi zituzten, hain justu, altzolarrek auzoko jaiak. Herri erdian supazterrak egiteko ohitura galduta dago, baina bat baino gehiago piztu zituzten, atzo, Ubitarte Gain eta San Roke artean egiten ari diren bidearen obretan. Umeek gozatu ederra hartu zuten suaren gainetik salto eginez. (argazkiak dauzka)