Era eta gustu guztietarako filmak ikusi ahal izango dira plazan. “Familiako kide guztientzat moduko filmak aukeratu ditugu, guztiek une atsegin bat pasatzeko aukera ematen dutenak”, argitu du Blanca Salegi Kultura Saileko teknikariak. Emanaldi egunean euria egingo balu, atzeratu egingo lirateke. Hala, barixakuetako filma domekara pasako litzateke eta zapatuan euria eginez gero, astelehenera edo datorren astera. Plaza Handian 600 lagunentzako lekua izango dute zine zaleek. 1991. urte inguruan, orain dela hogei urte, hasi ziren Aire Libreko Zine emanaldiak plazan, doan, eskaintzen.
Piratas del Caribe 4: en mareas misteriosas izeneko filmarekin hasiko dira emanaldiak barixakuan (uztailak 1). Zapatuan, berriz, Agua para Elefantes filma emango dute.
- Ikusi hemen: Aire Libreko Zinean eskainiko dituzten 10 filmak (PDF)