Udaleko Gazte Informazio Zerbitzuak eta Berdintasun sailak antolatu dute ekitaldia, gay eta lesbianen eskubideen urraketa salatzeko; emakume eta gizon guztiek sexualitatea askatasunez eta aukera berdintasunez bizitzeko eskubidea dutela aintzat hartzeko, eta, aldi berean, herritarrak egoera honen inguruan sentsibilizatzeko. Esan bezala, 19:00etan hasiko da Pronostiko erreserbatua izeneko antzerkia, Plaza Handian.
Ikuskizun umoretsu honetan, sexualitatean adituak diren Puxika eta Andurixa pailazo/medikuak Elgoibarko kaleetan gora eta behera ibiliko dira, hala behar dutela uste duten herritarrei errekonozimenduak eginez. Adi, hortaz, jakinaren gainean zaudete.