Uztailaren 8rako bi spinning saio antolatu ditu Udal Kirol Patronatuak. Lehena 19:00etan hasiko da eta 20:00etan bigarrena. Guztira, 40 bat bizikleta jarriko dituzte Mintxetako igerilekuen ondoan. Izenematea doakoa da, eta edozein herritarrek hartu dezake parte. Mintxetako harreran eman daiteke izena uztailaren 6a baino lehen. Dantza latinoen saioa, berriz, uztailaren 14an izango da, 19:00etatik 20:30era. Hemen ere edonork hartu dezake parte eta izen ematea doakoa da.
•Spinning gela berria irailerako amaituta
Mintxetako harmailen eta padel pistaren artean egiten ari diren gela berriak kristalezko leiho handi bat izango du. Gutxi gorabehera, 100 metro koadroko azalera edukiko du gelak, eta beheko solairuan CD Elgoibarrentzako biltegirako gune bat egongo da. Proiektuak 152.000 euroko aurrekontua dauka. Egungo spinning gelan, bestalde, walking kirola emango dute irailetik aurrera, hau da, oinez ibiltzea simulatuko duten makinak jarriko dituzte.