•Enrique Pardo eta Antxon Jauregi nagusi quadetan
Enrique Pardo Granado, egungo Espainiako txapeldunak irabazi zuen, joan den zapatuan, Elgoibarko Idotorbe auzoan jokatu zen Espainiako iparraldeko sektoreko quad kros txapelketako proba nagusia, Q-1 kategorian. Aranda de Dueroko (Burgos) pilotuak nagusitasun osoz irabazi zuen proba. Bigarren postuan Joseba Ramos Goikoetxea, plaentxiako pilotua sailkatu zen, eta Burgoseko beste pilotu bat, Daniel Santos Fontecha, igo zen podiumeko koskarik baxuenera.
Maila bat beherago dagoen Q-2 kategorian, berriz, Antxon Jauregi bizkaitarra izan zen bizkorrena. Carlos Leoz sailkatu zen bigarren postuan eta Lezoko Joan Ander Sotillos hirugarren postuan. 40 quad baino gehiago aritu ziren lehian Idotorbeko zelaietan prestaturiko zirkuituan eta ikuskizun ederra eskaini zuten.
Motokros proba bat ere egin zuten, 85 ccko motorrentzako eta hainbat gaztetxok parte hartu zuten. Azkarrena Iker Urteaga nafarra izan zen. Jon Idiakez eta David Mendez arabarrak sailkatu ziren, hurrenez hurren, bigarren eta hirugarren postuetan. Aitor Urain izan zen motokros proban parte hartu zuen pilotu elgoibartar bakarra, eta laugarren postuan sailkatu zen. Pare bat urtean motor txapelketarik antolatu gabe egon eta gero itzuli ziren motor hotsak Idotorbera. Eguraldiak lagundu zuen arren, antolatzaileek uste baino ikusle gutxiago hurbildu zen proba ikustera, baina datorren urtean, “martxa hartu ahala” jende gehiago hurbilduko den esperantza daukate. Asteburu honetan, gainera, non aukeratu eskaintza handia zegoen, jai eta ekintza askok bat egin dute-eta.
- Motorraren zozketa: Idotorbeko jaietan zozketatu duten motorraren zozketan honako hau da zenbaki sariduna: 5.695 zenbakia (erreserbako lehen zenbnakia 1.859 zenbakia da eta 3.069. zenbakia erreserbako bigarren zenbakia)
- Ikus hemen: Sailkapen nagusia (PDF)
•Argazkiak: