Ehun Milak proba amaitzea lortu dute Asier Arrietak eta Edu Uribek

elgoibarren.net 2011ko uzt. 18a, 14:32
Deskargatu Info Ahotsak :

Elgoibar-Morkaiko taldea osatuz hasi eta amaitu nahi zuten Asier Arrietak, Edu Uribek eta Jose Luis Diezek Ehun Milak ultratrail gogorraren bigarren edizioa. Tamalez, Jose Luis Diezek Txindokin -100. kilometroan-, bertan behera laga behar izan zuen proba hankako minen eta aurrez izandako eroriko baten ondorioz. Beste bi taldekideek, Arrietak eta Uribek 46 ordu eta 41 minutuan amaitu zuten Euskal Herrian egiten den probarik gogorrenetarikoa.


1706638824928 Ehun Milak proba amaitzea lortu dute Asier Arrietak eta Edu Uribek

Elgoibar-Morkaiko taldeko kideen asmoa bete ez bada ere, -hirurek nahi zuten proba amaitzea-, aurten proba amaitzerik izan ez duen Jose Luis Diez 'Txelu' zen, orain arte, Ehun Milak proba gogorra amaitzea lortuta zeukan hirukoteko bakarra. Hortaz, hirurek ere badute zer ospatua. Edu Uribe iaz ere saiatu zen arren, aurten lortu du amaitzea. Asier Arrietak, berriz, lehen parte hartzean lortu du amaitzea. "Mendi lasterketa ikaragarria" dela Ehun Milak nabarmendu du Edu Uribek, egindako esfortzutik atseden hartzen duen bitartean. "Jendearen animoek eta ibilbidearen edertasunak proba oso erakargarria egiten dute eta bakoitzaren mugak ezagutzeko aukera ezin hobea da”, azaldu du.
 Euskal Herriko mendi, aran eta txokoetatik barrena igaro dituzten momentuak azaltzeko, baina, bizi egin behar direla gaineratu du iraupen luzeko mendi lasterketetan aritua eta aditua den kirolari elgoibartarrak. Bere esanei kasu eginez, Ehun Milak probaren inguruan bere blogean egin duen kronika irakurtzea duzue onena, lehen pertsonan kontatzen saiatu baita 46 ordu luzez bizitakoa. Ohi duen legez argazki sorta ederraz hornitu du, gainera, artikulua.
•Jose Ramon Sousa 34. postuan
 Hiru elgoibartarrez gain, Jose Ramon Sousa mendaroarrak ere parte hartu zuen Ehun Milak proban, eta meritu handiko 34. postuan sailkatu zen, 37:56:17 denborarekin. (sailkapena)
 
•Argazkiak:

1706638825018 Ehun Milak proba amaitzea lortu dute Asier Arrietak eta Edu Uribek

1706638825116 Ehun Milak proba amaitzea lortu dute Asier Arrietak eta Edu Uribek

1706638825205 Ehun Milak proba amaitzea lortu dute Asier Arrietak eta Edu Uribek

1706638825261 Ehun Milak proba amaitzea lortu dute Asier Arrietak eta Edu Uribek
 
*Argazkiak: Edu Uribe.
Kirola Elgoibar