‘Darkness’ argazki erakusketa egongo da ikusgai Kultur Etxean

elgoibarren.net 2011ko ira. 8a, 13:45
Deskargatu Info Ahotsak :

 
Adrian Ruiz de Hierro argazkilari arabarraren lana da bihar (irailak 9) hasi eta hilaren 24ra arte Kultur Etxean ikusgai egongo dena. Ongarri Argazkilari Elkarteak antolatu du erakusketa, eta antolatzaileek esandakoaren arabera, autoreak leku lasaien bila, gauez, norabide jakinik gabe dabilela harrapatzen dituen momentuak jasotzen dituen lana da Darkness.



 

1706638795315 ‘Darkness’ argazki erakusketa egongo da ikusgai Kultur Etxean

Argazkilariaren esanetan, inkontzientetik sortutako lana da, sentitzeko beharretik. Bere buruari pentsatu gabe sentitzeko baimena emateko era bat da lan hau Ruiz de Hierrorentzat (www.adrianruizdehierro.com/). Darknessko irudiak, hormetan aurkezten dira, airean baleude bezala, tamaina handiko argazkiei arintasuna emanez. Erakusketan Ruiz de Hierroren gaueko ibilaldietara eramango gaituen ikus-entzunezko bat ere proiektatuko da. “Leku bat aurkitzen dudanean, arnasa sakon hartu, eta denbora kontuan hartu gabe, klikatzen dut kamera, luxu ederra egunerokoak ezarritako abiadaren aurrean” dio argazkilari gasteiztarrak.
  • Erakusketa bihar hasi eta hilaren 24ra arte egongo da ikusgai, arratsaldeko 18:30etik 20:30era bitartean.
 
 
Kultura Elgoibar