Xabier Montoiak Maite Mursego eta Ibon Rg musikarien laguntza izango du barixakuan Elgoibarren eskainiko duen kontzertuan. Disko berria ateratzear dago Montoia eta Sinuoseko kideek aurreratu duten moduan, “Montoiaren mundu miresgarri horiek” bertatik bertara ezagutzeko aukera polita izango da.
Datorren eguenean (irailak 29), berriz, Anarik eskainiko du kontzertua sotoan. Oraingoan taldekiderik gabe etorriko da abeslari azkoitiarra. “Bere abesti eder eta biluzi horien kantaldi ederra egingo duelakoan gaude”.
Joseba Irazoki abeslari nafarrak itxiko du jaialdia, irailaren 30ean eskainiko duen kontzertuarekin. Azken aldian makina bat proiektutan murgilduta ibili den abeslari beratarrak “saio ikonoklasta bat” eskainiko duela adierazi dute antolatzaileek.
|
|
•SOTOKO HOTSAK 11'
- Irailak 23 (barixakua) 22:30ean: XABIER MONTOIA
- Irailak 29 (eguena) 22:00etan: ANARI
- Irailak 30 (barixakua) 22:30ean JOSEBA IRAZOKI