Ziardamendin orain dela 75 urte hildako gudariak omendu dituzte

 Elgoibarko memoria istorikoa berreskuratzeko herritarrek sortutako elgoibar1936 taldeko kideek jakinarazi dutenez, orain 75 urte, Diaz de Riveraren indar faxistak, Nafar Brigadetan antolatutako erreketen indarrarekin, Elgoibar aldetik Bizkairantz sartzeko helburuarekin sartu ziren; “balore demokratikoak eta herritarrek aukeratutako sistema defendatzen zituztenak armen tiroz aurrean eramanez”.

 Zierdamendin, Aiastiatik gertu dagoen mendian, zain zituzten anarkistak, milizianoak eta eratu berri ziren Zubiaur eta Garaizabaleko boluntarioak. Bizkaitarrak guztiak: Mungia, Bilbo-Begoñakoak, Santurtzikoak, Barakaldokoak, e.a. “Irailaren 24an Bilbotik abiatu ziren horiek, eta hurrengo eguneko egunsentirako hainbat hil zituzten”. Batzuen izenak badakizkite, Zubiaur konpainiako sei gudari, esaterako, Derioko hilerrian hobiratu zituzten 1982an, baina egun oraindik hainbat gorpu lurpean daudela adierazi dute taldeko kideek, hainbat lekukoren testigantzei kaso eginez.

 Domekan egin zitzaien omenaldiarekin, “beraien borondatez, faxistei aurre egitera etorri ziren eta zauritu zein hil zirenei gure besarkadarik beroena eskaini eta omenaldia egin nahi izan diegu. Baita, beraien familiei gure gertutasuna eta elkartasuna adierazi”.
Hemendik aurrera lanerako ordua dela gaineratu dute, “erreparazio oso bat lortu arte, benetako justizia egin arte. Duintasunez. 75 urteren ondoren”.

∞Informazio osoagoa:

• Ahaztuenor oroimena (Markinaldeko Frentea 1936 Etxebarria Xemein Markina Bolibar)
  
• elgoibar1936

•Omenaldi ekitaldiko bideoa eta argazkiak: 

{youtube}9D04ZnqpNpg&feature=player_embedded{/youtube}