'Izanaren Izena', izena duenak izana duelako

elgoibarren.net 2011ko ira. 29a, 10:29
Deskargatu Info Ahotsak :

Azken hiru urteetako dinamikari eutsiz, aurten ere egitasmo berezia prestatu dute urrirako Elgoibarko Izarra Kultur Elkarteak eta Elgoibarko Udalak. Aurtengo egitasmoaren muina eta bizkarrezurra izena izango da. “Izena duenak izana ere baduela dio esaera zaharrak, eta izenaren bueltan jardungo dugu aurten, gure izana hobeto ezagutzeko helburuarekin”, azaldu dute.

 
  Bi helduleku nagusi izango ditu aurtengo programazioak. Batetik, hitzaldi zikloa, hiru hitzaldiz osatuta, eta, bestetik, Izenaren izana kanpaina, elgoibartarrek izen-abizenak euskaratzeko kanpaina, alegia. Hona hemen bien gaineko xehetasunak:

1) Hitzaldi-zikloa:
  • Urriak 5, asteazkena: Elgoibarko Toponimia lanaren aurkezpena eta Elgoibarko toki-izenak hitzaldia. Hizlariak: Mikel Gorrotxategi, Euskaltzaindiaren Onomastika Batzordeko idazkaria, eta Amaia Pinacho eta Nerea Alaba, Elgoibarko Toponimia lanaren egileak.
  • Urriak 19, asteazkena: Elgoibarko ahozko euskara. Hizlaria: Jesus Mari Makazaga, filologoa eta EHUko irakaslea.  
  • Urriak 26, asteazkena: “Amaia, debekatuta zaude!” euskal izen-abizenen histori hitzaldia. Hizlaria: Mikel Gorrotxategi, Euskaltzaindiaren Onomastika Batzordeko idazkaria
*Hiru hitzaldiak Kultur Etxeko hitzaldi-gelan izango dira, 19:00etan hasita.

2) Izenaren izana kanpaina:
 Oraindik ere elgoibartar askok idazten dituzte haien izen-abizenak gaztelaniaren grafiarekin. Horiek euskaratzeko helburuarekin jarriko dute Izenaren izana kanpaina martxan. Azaroaren 11n hasi eta abenduaren 16ra arte izango da kanpaina. 
 
 
 
 
Euskara Elgoibar