Jokin Uranga gailendu zen Gipuzkoako Bertsolari Txapelketako Elgoibarko saioan

elgoibarren.net 2011ko urr. 3a, 15:05
Deskargatu Info Ahotsak :

Gipuzkoako Bertsolari Txapelketako bosgarren saioa jokatu zen, joan den zapatuan, Herriko Antzokian. Sei bertsolarik parte hartu zuten Elgoibarko saioan eta Jokin Uranga izan zen puntu gehien lortu zituena. Honenbestez, zuzenean final laurdenetara sailkatzea lortu du azpeitiarrak. (Elgoibarko saioko bideoa)


 Herriko Antzokian 400 lagun inguru batu ziren final zortzirenetako saioa zuzenean jarraitzeko. Egoitz Eizagirre oriotarra, Jokin Uranga azpeitiarra, Joxe Munduate ataundarra, Mikel Arrillaga eibartarra, Oier Aizpurua zarauztarra eta Unai Gaztelumendi añorgarra izan ziren oholtza gainera igo ziren bertsolariak eta gai jartzaile lanetan, berriz, Kepa Isasik jardun zuen. Saioa antolatzeko lanetan, gainera, Elgoibarko Errazu bertso eskolako kideen laguntza izan zuen Gipuzkoako Bertsozale Elkarteak.

1706638734126 Jokin Uranga gailendu zen Gipuzkoako Bertsolari Txapelketako Elgoibarko saioan

1706638734212 Jokin Uranga gailendu zen Gipuzkoako Bertsolari Txapelketako Elgoibarko saioan
 Saioari dagokionez, Jokin Uranga izan zen, epaimahaikideen iritziz, puntu gehien merezi izan zituen bertsolaria, eta, hortaz, zuzenean final laurdenetara sailkatzea lortu zuena. Azpeitiko bertsolariak 493 boto eskuratu zituen. Boto gehien pilatu zituen bigarren bertsolariak, Unai Gaztelumendik, aldiz, 460,5 puntu jaso zituen.
 
 
 
 
 
Kultura Elgoibar