Guztiek nabarmendu eta txalotu zuten Elgoibarko Udalak ibilgailu elektrikoen eta mugikortadun iraunkorraren alde eginiko apustua. Elgoibarren arrakasta badu, beste herri batzuetara zabalduko dituzte, gainera, Emugi moduko proiektuak. Hona hemen emugi proiektuaren atal diren zerbitzuak:
- Car-sharing: Partekatzean oinarritzen den ibilgailu elektrikoen bidezko garraio sistema. Erabiltzaileek beharren arabera erreserbatu ahal izango dituzte ibilgailuok, epe motzerako (orduka) alokatuta. Ibilgailuak 06:30etik 22:00etara erabili ahal izango dira. Ibilgailuak gauez kargatzen dira, Ubitarten propio jarritako auto elektrikoentzako aparkalekuan. Mercedes A klaseko bi auto daude erabiltzaileen esku. Bazkide egin behar da zerbitzua erabiltzeko. Horetarako, www.emugi.net webgunea erabili behar da, edo bestela, herritarrentzako arreta bulegora jo.
- Bike-sharing: Auto elektrikoen zerbitzua bezalaxe, antolaketa partekatzean oinarritzen da. 18 urtetik gorako erabiltzaileek, beharren arabera erreserbatu ahal izango dituzte bizikleta elektrikoak, orduka alokatuz. Bizikletak 06:30etik 22:00etara erabili ahal izango dira. Guztira hamar bizikleta elektriko egongo dira Nafarroa plazan, Udaltzaingoaren bulego berriaren parean, bertan dago-eta bizikletok kargatzeko gunea. Zerbitzua erabiltzeko bazkide txartela atera behar da herritarrentzako arreta bulegoan.
- Salgaien banaketa: Furgoneta elektrikoak eta pedalei eragiteko laguntza duten bizikletak erabiliz paketeak era mezuak banatuko dituzte Elgoibarko herrigunean. Kanpoko banatzaile handien eta merkataritzako eta ostalaritzako establezimenduen arteko bitartekariak izateko sortu dute ìazken miliaî izenez ere ezagutzen den zerbitzu berria. Salgai guztiak biltegi batean gordeko dira, eta handik banatuko dituzte. Banaketa saltokiak itxita daudenean egingo da, aldez aurretik eskaera eginda. Aurki, beste hainbat zerbitzu jarriko dira abian. Esaterako, ostalaritzako eta merkataritzako jardueretan erabiltzen diren kartoia eta beira atez ate jasoko dira Garbigunera eramateko. Elgoibarko Lanbide Heziketako ikastetxean, Mekan, pedalei eragiteko laguntza duen triziklo baten prototipoa diseinatzen eta ekoizten ari dira, azken miliako salgaien garraiorako. Gainera, automozio elektrikoari buruzko ezagutzan sakondu ahal izateko, ibilgailu elektriko bat erabiliko dute.
•Ibilgailu elektrikoak probatzeko aukera
•Kontsumo iraunkorraren inguruko feria
Kontsumo iraunkorrari buruzko feria ere egingo dute datorren zapatuan (urriak 22), 10:00etatik 14:30era, egingo dute Plaza Handian. Kutxak babestutako ferian, produktu ekologikoekin eta artisau produktuekin lan egiten duten ekoizle txikiak, energia berriztagarrien arloko enpresak, txikienentzako jarduerak eta beste hainbat gauza egongo dira. Bestalde, bide hezkuntzari buruzko tailerrak egingo dituzte Elgoibarko ikastetxeetan. Lehen hezkuntzako ikasleei zuzenduta egongo dira eta lotura zuzena dute Oin Alai egitasmoarekin. Meka eta IMHko 18 urtez gorako ikasleek ere ibilgailu eta bizikleta elektrikoak probatzeko aukera izango dute. Azkenik, eraginkortasunez gidatzen ikasteko ikastaroa ere eskainiko dute urriaren 21ean eta 22an.
•Kontsumo iraunkorraren inguruko feria
Kontsumo iraunkorrari buruzko feria ere egingo dute datorren zapatuan (urriak 22), 10:00etatik 14:30era, egingo dute Plaza Handian. Kutxak babestutako ferian, produktu ekologikoekin eta artisau produktuekin lan egiten duten ekoizle txikiak, energia berriztagarrien arloko enpresak, txikienentzako jarduerak eta beste hainbat gauza egongo dira. Bestalde, bide hezkuntzari buruzko tailerrak egingo dituzte Elgoibarko ikastetxeetan. Lehen hezkuntzako ikasleei zuzenduta egongo dira eta lotura zuzena dute Oin Alai egitasmoarekin. Meka eta IMHko 18 urtez gorako ikasleek ere ibilgailu eta bizikleta elektrikoak probatzeko aukera izango dute. Azkenik, eraginkortasunez gidatzen ikasteko ikastaroa ere eskainiko dute urriaren 21ean eta 22an.
Argazkiak: