“Dolpo: biziaren muturrean” ikus-entzunezkoa José Ramon Agirre 'Marron'-en eskutik

elgoibarren.net 2011ko aza. 30a, 10:10
Deskargatu Info Ahotsak :

Jose Ramon Agirre ‘Marron’ mendizalearen 'Dolpo, biziaren muturrean' ikus-entzunezkoak itxiko du gaur (azaroak 30), Morkaiko mendi taldeak antolatu duen Udazkeneko Mendi Emanaldiak zikloa. Marronek Himalayako Dolpo eskualde apartatuan bizi direnen baldintza muturrekoak islatu ditu lan honetan.



Himalayako mendi-kate altuan bizi dira Dolpoak.

Jose Ramon Agirrek azaldutakoaren arabera, Dolpoa Nepaleko ipar-mendebaldeko lurraldea da, Himalayako mendi-kate altuan kokatua. Dolpoa XIX. mendearen hasieratik Nepalen administraziopean dago, baina, kulturari eta geografiari dagokionez, Tibeten zati banaezina da. Nepaleko gobernuak itxita izan zuen leku hau 1956. urtera arte. 1990. urtera arte, berriz, ez zuen utzi mendebaldeko inor ere sartzen. Hala, denboran iltzatutako herriak dira eta bertara heltzen ziren gehienak "liluratuta gelditu ziren, bizimodu zail horrek zirrara hezurretaraino sentituz". Lilura eta aldi berean sentitutako zirrara horixe bera da proiekzio honetan ikusiko dena.
•Dolpo, Biziaren muturrea ikus-entzunezkoa
  • Non: Musika eskolako auditorioan.

  • Eguna: Azaroak 30.

  • Ordua: 21:30.

  • Hizkuntza: Euskaraz
  • Antolatzailea: Morkaiko M.E.



Gizartea Elgoibar