Zortzi gaztagilek parte hartuko dute Urteko Gazta Txapelduna lehiaketaren laugarren edizioan. 2011 urtean zehar, Idiazabal Jatorri Izendapenaren Batzorde Arautzailearen ardurapean antolatu diren ardi-gazta lehiaketa bat edo gehiago irabazi duten gaztagilek, hain justu. Honako hauek dira gaztagileak eta 2011n irabazi dituzten txapelketak.
| 2011n irabazitako txapelketak |
Irabazlea |
|
Deba, Bilbao eta Gernika |
J.M. Ansola-Mausitxa (Elgoibar) |
| Uharte-Arakil | Felipe Agirre (Eulate) |
| Araia, Plentzia eta Euskal Herriko Txapelketa | La Leze (Ilarduia) |
| Azpeitia, Ordizia eta Iruña |
Ricardo Remiro (Eulate) |
| Elgoibar eta Bergara |
J. Aranburu elkartea (Idiazabal) |
| Legazpi, Hondarribi eta Eibar |
Aizpea (Olaberria) |
| Abadiño | Patxi Baskaran (Markina-Xemein) |
| Agurain | Aixtra, S.C. (Araia) |
"Prestigio handiko" txapelketa on bat antolatzeaz gainera, latxa ardien esneaz egiten den gazta moduko produktu bat “bultzatzea” dela euren helburua adierazi dute antolatzaileek txapelketaren aurkezpen ekitaldian (beheko argazkietan). Horrez gain, goi mailako gaztagile horien artean Elgoibarko ordezkari bat, Mausitxa baserria, egotea “ohore bat” dela Elgoibarrentzat gaineratu du Elgoibarko alkateak, Alfredo Etxeberriak.
|
|
•Maridaje afaria Belaustegi jatetxean
Gazta txapelketari lotuta, laugarrengoz maridaje-afaria antolatu dute Belaustegi jatetxean, Idiazabal gazta, ehiza (basurdea eta basauntza) eta Ramon Bilbaoren bodegako ardoa uztartzeko. Abenduaren 17an izango da afaria eta guztira bost plater eta bost ardo dastatzeko aukera egongo da. Ardo beltzak, zuriak eta cavak egongo direla aukeran aurreratu du Josu Mugerza, Belaustegiko ugazabak. Kultura sailean (943 742 158) eta Belaustegin eman daiteke izena, abenduaren 15a baino lehen. 80 bat lagunentzako lekua egongo dela azaldu du Belaustegiko sukaldariak eta aditu batek janaria eta ardoa nola uztartu behar diren azalduko du. Aurten, gainera, jendeak kezkarik gabe eran ahal izateko, autobus bat jarriko dute Elgoibartik jatetxeraino. Afariaren prezioa, autobusa barne, 60 euroren bueltan ibiliko dela argitu du.