Iñigo Larizek zortzigarren postua lortu du Espainiako Kronoigoera txapelketan

elgoibarren.net 2011ko abe. 22a, 15:21
Deskargatu Info Ahotsak :
es en fr

 
Mendi eskiko III. Vertical Ski-Pallars lasterketa jokatu zen, joan den asteburuan, Kataluniako Port Aine eski estazioan. Kataluniako Koparako proba puntuagarria izateaz gain, Espainiako kronoigoera txapelketa ere bazen lasterketa. Iñigo Larizek, Euskal selekzioa ordezkatuz, zortzigarren postuan sailkatzea lortu zuen Kilian Jornetek, espezialitate honetako munduko txapeldunak, irabazi zuen proban.




Espainiako eta Andorrako eskiatzailerik onenak bildu ziren Vertical Ski-Pallars lasterketan eta Iñigo Larizek meritu handiko postua egin zuen. Euskal Herriko mendi eskiko kronoigoera txapelketa irabazi du aurten eskiatzaile elgoibartarrak, eta proba honetan ondo baino hobeto moldatzen dela erakutsi du beste behin. Sasoi onean ekin dio Larizek eski denboraldiari, CronoVallter proban ere 9. postua eskuratu zuen-eta, joan den abenduaren 8an.




Kirola Elgoibar