Ordubete inguruan kirolak eta kirolariek dituzten balioez jardun zuten, bakoitzak bere kirolaren inguruan jasotako esperientzien berri emanez. Bat egin zuten denek kirola bizizitzarako balio garrantzitsuak irakasteko tresna egokia dela esaterakoan, betiere, transmituitu nahi diren balio horiek egokiak badira. Heziketa, diziplina, errespetua, lehiakortasuna… balore garrantzitsuekin lan egiten dute kirol taldeetako arduradunek eta ardura horiek nola kudeatzen dituzten, zein metodologia erabiltzen duten, eta beste hainbat gai jarri zituzten mahai gainean: gurasoen inplikazioa, ereduen garrantzia, entrenatzailen izateko era eta perfilik egokiena zein den, kirolari gazteei eman behar zaien konfiantza, e.a.
•Sarituak eta merituak
Udal Kirol Patronatuak banatuko duen bigarren saria, berriz, atletismoan aritu diren hiru lagunek -Pilar de la Lama, Antonio Fernandez eta Julian Gonzalez-, jaso zuten. ì30 urte baino gehiago daramate atletismoko lasterketa herrikoietan parte hartzen eta egunero ikusten ditugu hirurak errepideetan edo Mintxetan elkarrekin entrenatzen. Beraiek kirolaren bitartez bultzatzen dituzten baloreak denok eredutzat har ditzakegu".
