Infantil eta kadete mailako neska-mutilen Espainiako Eskubaloi Txapelketak Murtziako San Javier herrian jokatuko dira, eta jubenil mailako neska-mutilen txapelketa, berriz, Granadan jokatuko da. Honako hauek dira Euskadiko selekzioak deitu dituen Sanloko jokalariak:
- Jubenil mailan: Ainhitze Etxeberria.
- Kadete mailan: Leuire Arizmendi eta Nora Kortaberria.
- Infantil mailan: Alaitz Egaña, Nerea Bastida eta Nerea Solozabal.
Jokalariak bakarrik ez, Sanloko entrenatzaileak ere arituko dira Euskadiko selekzioekin. Honako hiru hauek, hain justu:
Lorea Gabilondo (Euskadiko Infantil nesken entrenatzailea)
- Igor Lizarralde (Euskadiko Infantil nesken entrenatzaile laguntzailea)
- Gojko Vucinic (Euskadiko Infantil mutilen entrenatzaile laguntzailea)
Euskadiko selekzioek deitutako jokalariek, Sanlokoak tartean, Espainiako txapelketak prestatzeko entrenamendu edo kontzentrazioak egingo dituzte abenduaren 26tik 29ra bitartean. Eta, horietako partidu batzuk gertutik jarraitzeko aukera izango dugu elgoibartarrak. Izan ere, abenduaren 29an, lagunarteko partidak jokatuko dituzte Euskadiko selekzio ezberdinek Sanloko taldeen aurka, Eibarko Ipurua kiroldegian.
- Ikus hemen: Norgehiagoken ordutegiak