Zine komertzialetik aldentzen diren filmak, “Bestelako zinea” Ongarrikoen berbetan, eskaini nahi du herriko zine klubak. Datozen emanaldietarako “indar handiko” eta nazioarteko zinemaldirik garrantzitsuenetan sari ugari irabazi dituzten filma sorta batzea lortu dutela azaldu du Iñaki Agirre, Ongarriko kideak. Almodovarren azken proposamenak,
La piel que habito filmak, ez du oraindik sari gehiegi jaso, baina hurrengo Goya sarietarako 16 izendapen ditu, tartean Pelikula Onenarena eta Zuzendaririk Onenarena. Orain gutxi ospatu diren
Urrezko Globoak sari entzutetsuetan izendatuta ere egon da, ingelesezkoak ez diren filmen kategorian.
Kategoria horretan irabazi zuen filma eskainiko du, hain justu, Ongarrik datorren astean (otsailak 2), Asghar Farhadren
Nader y Simin, una separación filma iraniarra, hain zuzen ere.
Otsailaren 9an, bestalde, Jean Pierre eta Luc Dardenne zuzendari belgikarren El niño del a bicicleta pelikula eskainiko du Ongarrik. 2011ko Canneseko zinemaldian epaimahaiaren Sari Handia irabazi zuen filmak.
Azkenik, Europako Zine Sarietan Europako Pelikularik Onenaren saria irabazi zuen
Melancolia filma emango dute otsailaren 16an. Lars Von Trier zine zuzendari daniar polemikoaren azken lana da
Melancolia.
