Otegi “Espainiaren gatibu” dela salatu zuten hainbat pertsona ezagunek Logroñoko kartzela aurrean

elgoibarren.net 2012ko urt. 31a, 17:31
Deskargatu Info Ahotsak :
es en fr

Arnaldo Otegiren egoera salatu eta ezker abertzaleko bozeramaile izandakoa libre uzteko eskatu zuten zapatuan 50 bat lagunek Logroñoko kartzela aurrean egindako bilkuran. Politika, kultura, kazetaritza, kirol, sindikalismo eta unibertsitate esparruetako jende ezagunak bat egin zuen Arnaldo askatu, politika askatu herri plataformak egindako deialdiarekin. Alfonso Sastrek Otegiri idatzitako gutunarekin amaitu zen ekitaldia (bideoa eta argazkiak dauzka)


 Otegi preso dagoen Logroñoko espetxearen kanpoaldean batu ziren, besteak beste: Martin Garitano Gipuzkoako ahaldun nagusia, Ramon Labaien Donostiako alkate ohia, Xabier Mikel Errekondo, Maite Aristegi, Iñaki Antiguedad eta Rafa Larreina Amaiurreko ordezkariak, Unai Ziarreta eta Jon Peli Uriguen (EA), ezker abertzaleko Rufi Etxeberria, Tasio Erkizia, Jone Goirizelaia, Maribi Ugarteburu, Pernando Barrena eta Loren Arkotxa, Joan Mari Irigoien eta Laura Mintegi idazleak, Xabier Amuriza bertsolaria eta Fernando Madina Reincidentes taldeko musikaria, Rafa Izquierdo (LAB), Belen Arrondo (EILAS) eta Martxelo Otamendi eta Iñaki Soto BERRIA eta Garako zuzendariak. Kataluniatik Joan Tarda eta Gaztelatik Doris Benegas izan ziren.

1706638559112 Otegi “Espainiaren gatibu” dela salatu zuten hainbat pertsona ezagunek Logroñoko kartz

1706638559193 Otegi “Espainiaren gatibu” dela salatu zuten hainbat pertsona ezagunek Logroñoko kartz
 Otegi “Espainiaren gatibu" dela salatu zuten. “Haren delitu bakarra izan da gaur Euskal Herrian dugun egoera berria abian jartzea, gatazkaren konponbiderako euskal gizarteak itxaropenez eta ilusioz hartu duen bidea”.
•Alfonso Sastrek Otegiri
 Adierazpenaren ondotik, Alfonso Sastre idazleak Arnaldo Otegiri idatzitako gutuna irakurri zuten bost hizkuntzatan. arnaldootegi.com webgunean irakur dezakezue gutuna oso-osorik. Ondorengo bideok gutuna irakurri zuten unea jasotzen du:

 
•Otegik Txillardegiri
  Jaso bakarrik ez, idatzi ere egiten ditu gutunak Arnaldo Otegik. Azkena, Jose Luis Alvarez Enparantza "Txillardegi" zenari idatzi dio Otegik. Ezker abertzaleak Txillardegiri Donostiako Victoria Eugenia antzokian eskaini zion omenaldian irakurri zuten Otegiren gutuna.
Politika Elgoibar