Loredi Salegi gizarte langile eta hezitzailea izango da Udaleko Berdintasun Sailak antolatu duen tailerreko irakaslea, eta bi saio emango dituzte; bata, otsailaren 25ean, eta, bestea, martxoaren 31n. Kultur Etxeko sotoan izango da lehena eta Kultur Etxeko hitzaldi gelan bigarrena, 10:00etatik 14:00tara.
Maitasunaren inguruan hausnartuko dute ikastaroan, eta bide batez genero rolek eta estereotipoek maitatzeko moduan duten eragina aztertuko dute: botere harremanak, kontrola, e.a. Herritarren Arreta Bulegoan (943 741 050) eman daiteke izena, doan, otsailaren 23a baino lehen.