Alberto Ruiz-Gallardon Justiziak ministroak esan du ez duela bat egiten Europako epaiarekin, baina bete egingo duela, "disgustoarekin" bada ere.
Espainiako Auzitegi Gorenak urtebeteko kartzela zigorra ezarri zion Otegiri 2005ean, honek "erregeari irain larria" egiteagatik. Hain zuzen, Guardia Zibilak Auzitegi Nazionalaren aginduz 2003an Euskaldunon Egunkaria itxi ondoren kazetako arduradunek salatutako torturen erantzule izatea leporatu zion Otegik Juan Carlos Borboikoa erregeari.
Politikariaren adierazpen askatasuna urratzeagatik ipini zion iaz Europak isuna Espainiari, 20.000 eurokoa -eta beste hiru mila ordaintzeko ere agindu zion, epaiketako kostuengatik-. Zigorra "neurrigabea" zela adierazi zuen eta Espainiari kalte ordainak emateko agindu zion.