‘Bi anai’ Atxagaren liburuan oinarritutako filma emango du Ongarrik, euskaraz

Herriko Antzokian Bi anai filma ikusteko aukera izango da gaur, 21:30ean hasita. Bernardo Atxagaren izen bereko eleberrian oinarrituta dago Imanol Rayo arbizuarraren lehen filma. Filmak uste baino ibilbide luzeagoa izan du Euskal Herriko zinema nagusietan. Donostiako Zinemaldian izandako harrera onak oihartzuna izan du. Aurtengo Donostia Zinemaldiko Zinemira sailean aurkeztu zuten filma, eta Serbitzu saria eskuratu zuen bertan. Gainera, Zinemaldiko Zinemira sailean aurkeztu zuten filma, eta Serbitzu saria eskuratu zuen bertan.

 Zuzendariaren esanetan, bere estreinako filma “ez da moldaketa tradizional bat. Zinemako narrazioak ez du zerikusirik literaturarekin. Funtsezkoa irudiekin eta begiradekin kontatzen dena da” azaldu zion guaixe.net atariari. Atxagaren nobeletan leku berezia duen Mintzoa pantailara egokitzeko ahaleginean, “ez ohiko filma” egin du, “elkarrizketa urriengatik (14 minutu), isiltasun handiengatik, estilo eta forma bereziagatik, aktoreen lehortasunagatik…”. Filmerako propio aukeratutako “euskara batu garbia” ere azpimarratu zuen.

•Filmaren trailerra:

{vimeo}28047458{/vimeo}