Euskalnaturaren argazki erakusketa ikusgai, hilaren 21era arte

elgoibarren.net 2012ko api. 10a, 15:19
Deskargatu Info Ahotsak :

 
Euskalnatura taldeak argazki erakusketa berria aurkeztu du Elgoibarren, Ongarri argazki taldeak antolatuta. Atzo zabaldu zuten erakusketa, eta hilaren 21era bitartean ikusgai izango da Kultur Etxeko erakusketa gelan. 

 

1706638400211 Euskalnaturaren argazki erakusketa ikusgai, hilaren 21era arte

Orain arteko lanetan Euskal Herriko fauna erakutsi digute Euskalnaturakoek euren argazkien bidez, oraingoan, ordea, animaliek naturarekin dituzten elkarrekintzak azaltzen dituzte argazkilarien lanek. Eurek azaldu moduan, erakusketaren helburua ez baita soilik Euskal Herriko biodibertsitatea azaltzea, dibertsitate hori osatzen duten bizidunen arteko erlazioak azaltzea baizik. 
  Bederatzi argazkilariren lanek osatzen dute erakusketa, eta tartean, Antton Alberdi elgoibartarraren lanak ere izango dira ikusgai. 
Astelehenetik zapatura bitartean, 18:30etik 20:30era egongo da zabalik erakusketa.
 
 
 
 
Kultura Elgoibar