Euskara Sailak 106.200 eurorekin lagunduko du elkartea, eta, besteak beste, Hedabide Saila (BARREN eta www.elgoibarren.net), aisialdiko Kiribilka, Bertso Eskola edota Jolasean egitasmoa, eta Tertuliak programa edo Gabonetako bertso jaialdia bezalako ekintza eta egitasmoak jasotzen ditu Euskara sailari dagokion hitzarmenak.
Gazteria Saiak bideratutako laguntza, berriz, Atxutxiamaika egitasmoari dagokio, eta urteko sasoi desberdinetan egin ohi dituzten udalekuak antolatzeko, nola plazan urtean zehar egiten dituzten ekintzetarako laguntza izango dira Gazteriak emandako 60.000 euroak.
•Esker onak Udalari
Elgoibarko Izarra kultur elkarteak eskerrak eman dizkio Elgoibarko Udalari: “Udalaren laguntza ezinbestekoa da Elgoibarko Izarraren proiektuak gauzatzeko, eta, aurrerantzean ere, bide beretik segitzeko asmoa azaldu nahi dugu. Izan ere, gure ustez, ezinbestekoa da administrazioaren eta herri ekimenaren arteko elkarlana, haur eta gaztetxoen aisia hezitzailea indartu, eta euskara eta euskal kultura gure herrian sustatu nahi baditugu", adierazi dute elkarteko arduradunek.
•Diru-laguntzak eta proiektuak
- BARREN astekaria eta elgoiBARREN.net webgunea: 57.600 euro (aurrekontu osoaren %22,19).
- Aisialdia: 41.600 euro (aurrekontu osoaren %79,56).
- Bestelakoak: (Tertuliak programa, Bertso jaialdia, Santa eskea, Ikastolen aldeko jaietarako autobusak, Udazkeneko kultur eskaintza) 7.000 euro (aurrekontu osoaren %37,10).
- Atxutxiamaika egitasmoa: 60.000 euro (aurrekontu osoaren %54,47).