Joan zen urrian aurkeztu zuen Vanpopel taldeak bere estreinako diskoa, eta ordutik kontzertuak ematen jardun du, han eta hemen. Hogei kontzertutik gora eman dituzte dagoeneko, baina bazeukala Elgoibarren joteko gogoa aitortu du Zuhaitz Gurrutxagak. Herritarren aurrean egingo du estreinaldia, gaur, 23:00etan, Kultur Etxeko sotoan eskainiko duen kontzertuarekin.
•Udaberrifest jaialdia
Martxan da jada Zarauzko Udaberrifest musika jaialdia, eta aurten ere hainbat estilotako musika kontzertuak entzun ahal izango dira. Horien artean Rosario Flores izango da izar nagusienetakoa. Lola Flores zenaren alaba gazteenak maiatzaren 26an emango du kontzertua Zarauzko Udal kiroldegian, eta, Zuhaitz Gurrutxagak egingo ditu atari lanak, Vanpopel taldearekin. Antolatzaileek izen handiko taldeak lotu dituzte aurtengorako, "prestigio handikoak" nor bere estiloan. Rosario Floresekin batera, Soziedad Alkoholika, Bizardunak eta Gatibu ariko dira aurten.
- ELKARRIZKETA: Zuhaitz Gurrutxagak BARRENi eskaini dion elkarrizketa (BARREN 798. zenb./PDF)
- AUDIOA: Entzun Vanpopel taldea Myspacen: myspace.com/vanpopelband
- BIDEOA: Canal + kateko El Dia Despues saioko Raul Ruiz kazetariak Zuhaitz Gurrutxagari eginiko elkarrizketaren bideoa