Duatloi eta triatloietan aritzen den Ainhoa Lendinez, Egoitz Mora judoka, handbikean aritzen den Igor Elizburu, Markel Bergara futbolaria eta Unai Arrieta eskubaloi jokalaria batuko ditu mahai baten bueltan Elgoibar ikastolak, kirolari buruz berba egin dezaten. Guztiak dira elgoibartarrak eta Elgoibar Ikastolako ikasle ohiak. Mahaingurua musika eskolako auditorioan izango da, eguen honetan, 19:30ean hasita.
•Elgoibar Ikastolak hainbat sari jaso ditu Kosmodisean
Kosmodisea Gipuzkoako Foru Aldundiaren Berrikuntzarako eta Jakintzaren Gizarterako Departamentuaren ekimena da. Pertsona ekintzailea izateko balioak eta trebetasunak bultzatzen ditu, betiere, talde-lanaz baliaturik eta Informazio eta Komunikazioaren Teknologia (IKT) desberdinak erabiliz. Aurtengo edizioan Elgoibar Ikastolako zortzi taldek hartu dute parte ekimenean, LH3, LH5, DBH1 eta DBH3ko ikasleek, hain zuzen ere. Eta, horietatik lau talde saritu dituzte.
-
LMH5tik Elgokosmo taldea: 1go postua
- DBH3tik Kosmopolittak taldea: 2. postua
- LMH3tik Berdeak taldea: 3. postua
- DBH1tik Elgokraks taldea: 3. postua
Gainerako taldeak (LH3ko
Mintxeta taldea, LH5ko
Izarrak5, DBH1ko
Eskolegak, DBH3ko
Kosmodernoak), podiumetik kanpo geratu badira ere, aurreneko postuetan sailkatu direla adierazi dute Elgoibar Ikastolako arduradunek. Joan den maiatzaren 4an Donostiako Kursaal aretoan egin zen ekitaldian eman zuten aurtengo
irabazleen berri.
