Txupinazoarekin hasiko dute Ludotekako Aste Nagusia, bihar

elgoibarren.net 2012ko mai. 17a, 13:42

Dena prest dago jada festari ekiteko. Ludotekak Aste Nagusia antolatu du, hirugarren urtez, eta hainbat ekitaldi antolatu dituzte. Aste Nagusi bati dagokion legez, maiatzaren 18tik 26ra artean, zazpi egun izango ditu festak: Txupinazo Eguna, Artista Eguna, Sukaldari Eguna, Gazte Eguna, Txiki Eguna, Ludo Eguna eta Familia Eguna. (egitaraua dauka)

1706638308380 Txupinazoarekin hasiko dute Ludotekako Aste Nagusia, bihar

Aste Nagusiko kartel lehiaketara aurkeztutako lanen erakusketaren irekierarekin hasiko dira, bihar (maiatzak 18), Ludotekaren Aste Nagusiko ekitaldiak (17:00etan).

Ondoren, 17:45ean, pregoia irakurri eta txupinazoa jaurtiko dute festen hasiera iragarriz. Buruhandiak eta zezenzikletekin jarraituko du Txupinazo Egunak eta berbenarekin jarraitu.

•Aste Nagusiko egitaraua (*laranjaz dauden ekintzak herriko ume guztiei zuzenduta daude. Gainerako ekintzetan parte hartzeko beharrezkoa da Ludotekako bazkide izatea)

•TXUPINAZO EGUNA (maiatzak 18, barixakua)

17:00 Aste Nagusiko kartel lehiaketaren erakusketa.
17:30 Kartel lehiaketaren sari banaketa
17:45 Pregoia eta txupinazoa. Ondoren Buruhandiak eta zezenziketak dultzaineroek girotuta.
19:00-20:00 Berbena

*OHARRA: Egun honetan bazkideen anai-arrebek parte hartu ahalko dute, gurasoekin etorriz gero.

•ARTISTA EGUNA (maiatzak 21, astelehena)

17:00etatik aurrera eskulanak Kalegoen Plazan,bertan dauden HH5-LH6 bitarteko haurrentzat. Aupergia margotu, giltzatakoak, txapak eta murala (Eguraldi txarra eginez gero Maalako karpan izango da)

•SUKALDARI EGUNA (maiatzak 22, martitzena)

17:30etatik aurrera Pintxo hotzen lehiaketa (haurrentzat)
18:45etan Postre lehiaketa (gurasoentzat). Etxean eginiko postre bat eraman daiteke.
Ondoren, Sari banaketa

•GAZTE EGUNA (maiatzak 23, eguaztena)

17:00etatik aurrera Buruhandiak,zezenzikletak,merendola eta karaokea

•TXIKI EGUNA (maiatzak 24, eguena)

17:30etan “Arkakusoehn zirkoa" ikuskizuna Herriko Antzokian (malabareak, akrobaziak, magia…) *Ludotekako bazkideentzat doan, gainerako herritarrentzat euro bat ordainduta.

•LUDO EGUNA (maiatzak 25, barixakua)

17:00etan: Herri kirolak (haurrentzat). Sariak egongo dira.
18:00etan Futbolin txapelketa. Bi kategoria: 1. umeentzat; 2. guraso/seme-alabek osatutako bikoteentzat. Sariak irabazleentzat.
19:00etan luntxa parte hartu dutenentzat.

•FAMILIA EGUNA (maiatzak 26, zapatua)

9:00etatik 19:00etara Karrantzara irteera. Goizean Karpin Abentura parkea ezagutuko dute eta arratsaldean Pozalaguako kobak bisitatuko dituzte.

Gizartea Elgoibar