Elgoibarrek eta Errenteriak jokatuko duten kanporaketako itzulerako partidak, bestalde, ekainaren 3an jokatuko dituzte Elgoibarren. Kanporaketa gainditzen duen herriak Arrasatek eta Hernanik jokatuko duten kanporaketaren irabazlearen aurka jokatuko du final laurdenetan.
Iaz, hain justu, final laurdenetaraino ailegatu ziren pilotari elgoibartarrak, baina Azkoitiak kanporatu zituen.
Gipuzkoako Herri Arteko Pilota Txapelketaren 2012ko ekinaldia 18 herrik hasi zuten maiatza hasieran. Finala uztailaren 8an jokatuko da.
Emakumeen pala txapelketa antolatu du 10 Bai taldeak bigarren urtez jarraian. Iaz, estreinako edizioan, hamar bikote aritu ziren eta Lara Urainek eta Itsaso Alguacilek irabazi zuten txapelketa. Izena emateko epea maiatzaren 30ean bukatuko da. Iturri, Iratxo, lanbroa eta Toletxe taberneta eman daiteke izena. Ekainean hasiko da txapelketa.