Landareak landatzeko tailerra egingo dute hileko azken zapatuko ferian

 

Lehen Hezkuntzako umeei zuzenduta dago tailerra, baina hala ere, nagusiek ere parte hartzeko aukera izango dute. Sallobente-Ermuaran auzoan barazki ekologikoak ekoizten dituzten Ekoalboraz elkartekoek emango dute tailerra. Tailer horietan parte hartzen duten ikasleek bi ontzi txiki jasoko dituzte. Batean, letxuga hazia landatuko dute, eta bestean, letxuga landarea. Horretarako, beharrezko azalpenak jasoko dituzte; eta behin lana amaitu ostean, etxera eramango dituzte landareak. Haurrek ez dute ezer eraman beharko tailerretan parte hartu ahal izateko.

•Sahieskia eta txorizoa
 Txosnaren ardura, bestalde, Mintxeta Atletismo elkarteak izango du, eta saiheski eta txorizo pintxoak eta salda prestatuko dituzte Kalebarren plazan, Elgoibarko baserri eta harategietako produktuekin. 10:00etatik aurrera salduko dituzte.

 Azkenik, ohi duten legez, Kale Kantariek girotuko dute feria. 12:00etan hasiko dira kantuan Kalebarren plazatik.

 

•Lotura duten albisteak:

• Gatzatua egiten ikasteko tailerra egingo dute zapatuko ferian (2012-04-25)