Zabalik dago datorren ikasturterako Oin Alain izena emateko epea

elgoibarren.net 2012ko eka. 8a, 14:21

{youtube}-Xsfe2lTQDw{/youtube}Malabarista, pailazo, Mauxitxa txaranga eta trikitilarien laguntzarekin egin dute gaur eskolara bidea Oin Alai ekimeneko kideek. Haurrek eskolarako bidea oinez egiteko sortu zuten Oin Alai, orain bi urte, eta 85 umek eta 25 boluntariok hartu dute parte amaitzear dagoen ikasturtean. Datorren ikasturterako izena emateko epea zabalik dagoela jakinarazi dute. (bideoa eta argazkiak dauzka)

Ikastetxeetan, Elgoibar Ikastolan eta Herri Eskolan, eman daiteke Oin Alai ekimenean parte hartzeko izena. Era berean, boluntarioak behar dituzte ekimenak martxan jarrai dezan. Asmo horretan, gurasoei zuzendutako hitzaldia antolatu dute sustatzaileek ekainaren 14rako. Udal ordezkari, irakasle eta boluntarioek Oin Alairen inguruko xehetasunak emango dizkiete bertaratutakoei. Kultur Etxean izango da hitzaldia, 18:00etan.
•Saritutako boluntarioak

1706638262956 Zabalik dago datorren ikasturterako Oin Alain izena emateko epea

Bestalde, 50 euroko erosketa txartelak zozketatzen ditu Udalak, hilero, boluntarioen artean. Otsailetik ekainera bitarteko irabazleak honako hauek izan dira: Javier Oñederra, Idoia Alonso, Lourdes Vilalgarcia (ondoko argazkian hirurak, Udal ordezkariekin), Jose Mari Igartua eta Mari Jose Azpiazu. Elgoibarren dauden bi merkatari elkarteetako (Txankakua eta Barren azoka) kide diren komertzioetan gastatu beharko dituzte sariari dagozkion 50 euroak.