Iñigo Larizek errekor berria ezarri du Galdaramiñoko mendi lasterketan

elgoibarren.net 2012ko eka. 11a, 11:19
Deskargatu Info Ahotsak :
Español English Français Català Galego

 
Iñigo Larizek irabazi zuen domekan Galdaramiñoko mendi lasterketa, Eibarko Urki auzoan, eta gainera, errekor berria ezarri zuen Galdaramiñoko tontorrean. 22:23 denborarekin, minutu batean ondu zuen lehengo marka.



Iñigo Lariz, Galdaramiñoko lasterketako irabazlea, helmugara ailegatzen.

Larizek 1:05:58 denbora behar izan zuen 15 kilometroko proba amaitzeko, eta 1:22ko aldea atera zion helmugan Joseba Plaza bigarren sailkatuari. Markinarra izan zen iazko irabazlea, eta aurten bigarren postuan amaitu zuen. Eta hirugarren lekuan etxeko beste korrikalari bat sailkatu zen: Jon Larrañaga mendaroarra, 1:12:31 denborarekin.
 Emakumezkoetan, bestalde, hirugarren postuan sailkatu zen Pilar Arriola elgoibartarra, 1:39:48 denborarekin. Arriolak txapela jantzi zuen Galdaramiñoko igoerako lehen bi edizioetan, eta laugarren honetan Aitziber Urkiola eta Maider Kortaren atzetik sailkatu da.

*Argazkiak: Edu Uribe.

 

 
 
 
Kirola Elgoibar