Gaurtik irailaren 9ra arte egongo dira igerilekuak zabalik, astelehenetik domekara. Astean zehar 11:00etan zabalduko dituzte, eta asteburuetan, aldiz, 10:30ean. itxi, berriz, ekainean eta uztailean 20:30ean, eta abuztuan eta irailean, 20:00etan.
Urtero-urtero lagun asko ibiltzen dira Mintxetan, bai herrikoak eta baita kanpokoak ere. Iazko uda denboraldian, esate baterako, 42.065 lagun ibili ziren igerilekuetan. Aurreko urtetik apur bat behera egin zuen erabiltzaile kopuruak, baina Udal Kirol Patronatuko arduradunak ‘pozik’ agertu ziren kopuru horrekin, uztailean eta abuztuan "eguraldi kaskarra" egin zuelako. Iaz hasitako bideari jarraituz, aurten ere erabiltzaileentzako hainbat ekitaldi antolatzeko asmoa dauka Kirol Patronatuak, baina aurrerago emango dute horren berri.
•Erabiltzaile kopuruen bilakaera, urtez urte:
- 2011: 42.065
- 2010: 48.000
- 2009: 55.056
- 2008: 34.342
- 2007: 15.000
- 2006: 29.000
- 2005: 32.000
Udal Kirol Patronatuko bazkideek eta 3 urtetik beherakoek doan daukate aire libreko igerilekuetarako sarrera. Bestela, 18 urtetik gorakoek zortzi euro ordaindu beharko dituzte eguneko sarrera, eta 18 urtetik beherakoek 5 euro. Horrez gain, arratsaldez soilik joan nahi duenarentzat beste prezio bat izango du sarrerak. 16:00etatik aurrera 3,20 euro ordaindu beharko dituzte 18 urtetik beherakoek eta gainontzekoek 4,20 euro. Era berean, nahi duenak uda denboraldiko bonoa ateratzeko aukera ere badauka. Hauek dira prezioak:
- 18 urtetik beherakoak: 55 euro
- 18 urtetik gorakoak: 61,5 euro
- Familiarra: 108,5 euro
- Unibertsitarioa: 57 euro
- Jubilatuak: 55 euro
- Ezinduak: 51 euro
∞Lotura duten albisteak:
- Iaz baino 6.000 lagun gutxiago ibili dira Mintxetako igerilekuan (2011-09-13)
- Spinning maratoiarekin hasiko da Mintxetako igerilekuen denboraldia (2011-05-27)
- Eguraldiak lagundu ez arren erabiltzaile asko eduki ditu Mintxetako igerilekuak uda honetan (2010-09-13)
- 2008an baino 20.000 erabiltzaile gehiago Mintxetako igerilekuetan (2009-09-15)
- Beroarengandik ihesi sekula baino jende gehiago igerilekuetan (2009-07-22)
- Txikizioak beste behin ere Mintxetako igerilekuetan (2009-07-16)
- Txiringitoa edukiko dute Mintxetako igerilekuek (2009-05-12)