Iñigo Lariz izan da azkarrena bizikleta gainean egin beharreko zatian, zazpi kilometro guztira. Iban Gonzalez atzeko gurpilean zuela sartu da, hala ere, Lariz Kalegoen plazan. Zakuarekin ere orpoz orpo ibili dira biak, baina 25 kiloko zakua laga ostean, aise egin du aurrera Larizek, aurkari guztiak atzean lagata. Hortik aurrera erlojuaren kontra egin du borroka Larizek, eta iaz ezarri zuen errekorra (18:03) ontzeko lehian aritu da. Helmugan sartu denean hamazortzi minutu eta segundu batean geratu dute antolatzaileek kronometroa. Hortaz, bi segunduan hobetu du probaren errekorra. Anaia gaztea harrapatu eta gainditu ostean Jorge Gonzalez sailkatu da bigarren postuan, 19:28 denborarekin. Jose Antonio Ruiz del Rey sartu da helmugan hirugarren postuan (19:48). Parte hartu duten 54 lagunen artean bi emakumezko bakarrik egon dira, Lendinez ahizpak hain zuzen. Aizpa zaharrena, Ainhoa, izan da azkarrena 21:27 denborarekin.
- Ikusi hemen: 2012ko Nahaste Borrasteko sailkapena (PDF)
∞Azken urteetako irabazleak:
- 2011koa eta 2010eko Nahaste Borrasteak Iñigo Larizek irabazi zituen, 2009koa David Condek, 2008koa Iñigo Larizek; Jose Antonio Ruizek 2007koa eta David Condek irabazi zuen 2006koa.