Ikastolako patioa estaltzeko lehiaketa egin zuen Mendaroko Udalak, eta aurkeztu ziren 58 proiektuen artetik Blur arquitectura enpresa kataluniarrak aurkeztutako Zag-zig izeneko lanak (ikus infografia) irabazi zuen lehiaketa.
Mendaroko Udalak joan den martxoaren 14an sinatu zuen obraren esleipena Altuna y
Uria enpresa etxegilearekin eta ikasturtea amaitzearekin batera, joan
den astelehenean, hasi zituzten eraikuntza lanak. Abuztuaren 31a arteko
epea dute bukatzeko. Blur enpresako Octavio Perez Monfort arkitektua
ari da obra zuzentzen. Altuna y Uriak 529.000 euroko aurrekontua izango du lanak egiteko. Diru kopuru horren zati handiena, 396.195 euro, Eusko Jaurlaritzako Hezkuntza Sailetik jaso zuen Mendaroko Udalak.