•ARGAZKIAK: (Argazki guztiak PICASAN)
- Bezpera Eguna (abuztuak 23)
- San Bartolome Eguna (abuztuak 24)
- Baserritarren Eguna (abuztuak 25)
- Jubilatuen Eguna (abuztuak 26)
- Txiki Eguna (abuztuak 27)
- Umeen Eguna (abuztuak 28)
- Gazteen Eguna (abuztuak 31)
Baserritarren Egunari dagokionez, antolatutako txapelketen kalitatea nabarmendu dute udal ordezkariek, “antolakuntza bikaina eta era honetako jardueretan parte hartu ohi duten herritarren nahiz kanpokoen asistentzia azpimarratzekoak izan ziren, izan ere, ezaguna baita Elgoibarrek nekazal gunearekiko izan duen konpromisoa. Bai Limousin Ganadu Lehiaketa, aurten Euskadi mailakoa izan dena, bai Sallobente Elkarteak antolatutako Sagardo Lehiaketa, bai Kalamua Elkarteak sustatzen dituen Gaztaren eta Harri-jasotzaileen lehiaketak, gaur egun, gure mugetatik haragoko erreferente dira. Gure Baserritarren Egunak ez dauka oraintsu ospatu den Ordiziako feriaren inbidiarik”, azaldu du Etxeberriak. Gazta lehiaketa irabazi zuen Mausitxa ere zoriondu du.
•Lapurreten ugaritzea
Alde ilun bat ere izan zuen, baina, Baserritarren Egunak. Egunak baino gehiago ilunak egunari gain hartu zion momentuak. Gau horretan galdutako gauza asko jaso zituzten-eta udaltzaingoan, sakelako diru-zorroak batik bat. Era horretako 29 objetu jaso zituzten orotara, iaz hiru baino ez zirenean izan. Lapurrek diru zorro asko ostu zituzten eta baliozko gauzak hartu ostean diru-zorroak bota. Horiek dira Udaltzaingoan bukatu zutenak. Askok dokumentazioa zutenez, 23 beren jabeei itzultzeko aukera izan dute udaltzainek.
Mauxitxa txarangaren eta kale kantarien lana eta prestutasuna ere goraipatu dituzte. “Elgoibartarrontzat ez dago kaleko animazio hoberik Mauxitxa Txaranga baino. Elgoibarko Kale Kantariak taldearen inplikazioa ere aipatzekoa da. Berau, sendotuz joan da, euskal kultura eta kantagintza errotik sentitzen duten elgoibartar batzuei esker. Eta, nola ez! Baltzola anaiak, gure musika-tresnak diren trikitixa eta panderoarekin, beste urte batez kaleak alaitu dituzte-eta”.
Alde ilun bat ere izan zuen, baina, Baserritarren Egunak. Egunak baino gehiago ilunak egunari gain hartu zion momentuak. Gau horretan galdutako gauza asko jaso zituzten-eta udaltzaingoan, sakelako diru-zorroak batik bat. Era horretako 29 objetu jaso zituzten orotara, iaz hiru baino ez zirenean izan. Lapurrek diru zorro asko ostu zituzten eta baliozko gauzak hartu ostean diru-zorroak bota. Horiek dira Udaltzaingoan bukatu zutenak. Askok dokumentazioa zutenez, 23 beren jabeei itzultzeko aukera izan dute udaltzainek.
Mauxitxa txarangaren eta kale kantarien lana eta prestutasuna ere goraipatu dituzte. “Elgoibartarrontzat ez dago kaleko animazio hoberik Mauxitxa Txaranga baino. Elgoibarko Kale Kantariak taldearen inplikazioa ere aipatzekoa da. Berau, sendotuz joan da, euskal kultura eta kantagintza errotik sentitzen duten elgoibartar batzuei esker. Eta, nola ez! Baltzola anaiak, gure musika-tresnak diren trikitixa eta panderoarekin, beste urte batez kaleak alaitu dituzte-eta”.
•Sokamuturraren arrakasta eta arriskua
Sokamuturraren arrakasta ere aipatu du alkateak. “Jaietako ekitaldirik herrikoiena eta maitatuena izan da beste behin ere. Azpimarragarria da ikusle eta korrikalarien kopurua, baita istripurik eza ere. Sokamuturrean ez da aparteko larrialdirik izan. Hala ere, balorazio hau aprobetxatu nahi dugu adierazteko 16 urtetik beherako gaztetxoek erabat debekatuta dutela sokamuturraren ibilbidearen barruan aritzea. Horiek, hesietatik kanpo egon behar dute, eta gurasoei dei egiten diegu kontu honetan amore ez emateko, aseguruak ez ditu-eta hamasei urtetik beherako gazteak estaltzen. Hori horrela, denon artean araudi hori bete beharko dugu, baina kontuan izan behar da, gurasoen laguntzarik gabe oso zaila dela egiteko hori Udalarentzat”.
Jai guneetatik gertu bizi diren herritarrek jasaten dituzten eragozpenak ere gogoan izan ditu Etxeberriak. “Barrakak direla eta, oso zaila izaten da barraken eta Euskadiko Limousin Ganaduaren Lehiaketaren kokapena bateragarri egitea, eta inguruan bizi direnei ahalik eta trabarik gutxien eragitea. Ahalegina egiten da ahalik eta barraka gehien ekartzen eta Plaza Txikian antolatzen diren ekitaldietarako nahikoa leku uzten. Jakitun gara honek guztiak eragozpenak sortzen dituela bertako bizilagunengan, horregatik, eskertu nahi diegu beraien pazientzia eta kolaborazioa. Plaza Txikiaren inguruan irekitako jai-gune honek, Maalako gunearekin batera, biak herriaren erdigunean izanik, jaiak kalean bizitzeko beharrezkoak dira. Beste hainbeste Maalako guneari dagokionez, txosnak kokatzeko lekua eta gaueko giroa biltzen den gunea. Eskerrak guzti-guztiei kolaborazioagatik”.
Kirol jardueren inguruan, pilota enpresek Elgoibarrera euren onena ematera etorri eta ohiko pilota partidak mantentzeko egin duten ahalegina eskertzekoa dela esan du alkateak. Ostalaritza sektoreari ere eskerrak eman nahi izan dizkio “egun estra bat antolatzeagatik”.
•Herriko elkarte eta kolektiboei eskerrak
Udal agintariek eskerrak eman nahi izan dizkiete herriko elkarte eta kolektiboei, “izan ere, horiek gabe ezin izango genuen Elgoibarko jaien egitaraua behar bezala bete. Beraz, aipatzekoak dira: Elgoibarko kirol kluba, Sanlo E.T., Lagun Taldea, Gure Bide Elkartea, Txistularien Udal Banda, Musika Udal Banda, Haritz Euskal Dantzari Taldea, Dultzaineroak, Mauxitxa Txaranga, Parrokiako Abesbatza, Kalamua Elkartea, Sallobente Elkartea, Elkarte gastronomikoak, Batzokia, Ongarri Argazkilaritza, Zuhaitz Taldea, Danborrada Taldea, Elgoibarko Izarra, bertsolariak, katekistak, Maalako jai batzordea, Gazte Asanblada…; talde horiek baitira San Bartolome jaietako antolakuntzaren oinarri. Ezin esan gabe utzi Udaltzaingoak, Udal lantaldeak eta Mankomunitateak egindako lan bikaina. Zerbitzu horiek dira ahalbidetzen dutenak jaiak intzidentziarik gabe pasatzea”.
“Elgoibartarrok gara jaiei bizitasuna ematen diegunak. Lan eginez, kolaboratuz, inplikatuz, eta gozatuz, errespetuz eta kontsiderazioz, bizikidetza hobetzen jarraitu behar dugu Elgoibarko herriari jai zoriontsuak eskaintzeko”, amaitu du balorazioa Alfredo Etxeberriak.