Gau krosaren estreinako edizioan 168 lagunek hartu zuten parte eta Pedro Maria Muñoz del Pozo azkoitiarra eta Ainhoa Lendinez elgoibartarra izan ziren azkarrenak. Iaz, berriz, 200 lagunek egin zuten antxitxika eta Yeray Varela oñatiarra eta Cristina Loeda eibartarrak egin zituzten markarik onenak, euripean jokatu zen lasterketan.
Elgoibarko Gau krosaren inguruko informazio osoagoa Mintxeta Atletismo Taldekoek sortu duten honako webgunean topatuko duzue:
•Atletismo Jaia
Lekueder parkean egingo dute Atletismo jaia irailaren 21etik (barixakua), irailaren 22ra (zapatua) gauera arte eta egitarau zabala prestatu dute Mintxetakoek. Barixakuan zein zapatuan, lasterketa bukatu ostean, afaltzeko aukera izango da karpa ofizialean. Menua 11 eurokoa izango da, baina pintxoak dastatzeko aukera ere izango da. Barixakuan eta zapatuan bertsolariak eta musika ekitaldiak izango dira.
•Egitaraua
Barixakua, 21
- 18:30 Karparen irekiera
- 18:30-20:00 Dortsala eta txiparen jasotzea eta izen emateak
- 21:00 Afaria. Menua: Eusko-Labeldun saiheskia
- 22:30 Bertso saioa
- Ondoren, euskal kanten erromeria
- 18:30 Haurren lasterketa gurasoekin
- 20:00 Elgoibarko Gau kros Herrikoia, bukaeran oparien zozketa eta sari banaketa
- 21:00 Afaria. Menua: Eusko-Labeldun saiheskia, patatak, entsalada, flana eta kafea. Edaria aparte. Prezioa 11€, korrikalariak 2€-ko deskontua afarian.
- 22:00 Melissa and The Jacks taldearen kontzertua (U2, Police, Sting, Bryan Adams, Peter Gabriel,…taldeen bertsioak egiten dituzte)
- Ondoren, euskal kanten erromeria
* Antolakuntza lanetan diharduen Zigor Diezek iaz BARREN astekariari eskaini egin elkarrizketa osoa.