Ezekiel, hamalau urteko mutiko baten fantasia, konplexu eta buruhausteak aurkeztu zizkigun Jasone Osoro idazle elgoibartarrak Ezekiel izenburuko liburuan (Elkar argitaletxea). Haren jarraipena den Ezekiel nora ezean eleberrian, ostera, hamabost urte egin ditu Ezekielek, eta lagunarte jator bat eta neska-lagun moduko bat ere badauzka. Bizitza zoriontsu hori aldatu egingo da, ordea, inoiz ikusi ez duen aita bat-batean agertzen denean: ezagutu nahi luke, batetik, baina baita alde egin izana aurpegiratu ere. Horrez gain, beste hainbat arazo ditu mutilak: arrebarekin eta amarekin dituen eztabaidak, lagunekiko gorabeherak, gustuko bi neskaren artean sentitzen dituen zalantzak…
Jasone Osorok eguaztenean (irailak 19) aurkeztuko du liburua Donostian. Honako hau gazte literaturako bere zazpigarren lana da. (ikus bibliografia)
Prentsan eta telebistan lan egin izan du Jasne Osorok, eta gaur egun enkarguzko lanak idazten ditu berbak.net zerbitzuan.
- Informazio osoago: jasoneosoro.com
∞Lotura duten albisteak:
- Liburu Gaztea saria jaso du Jasone Osororen 'Ezekiel'ek (2011-05-27)
- Osororen 'Ezekiel' eta Alberdiren 'Aulki-jokoan' saritu dituzte Juul hauteskunde literarioetan (2011-04-28)
- Jasone Osorok bere haurdunaldiko testigantza jaso du ‘Bi marra arrosa’n (2009-11-25)
- ‘Ezekiel’, Jasone Osororen azken eleberria (2009-10-15)
- Jasone Osororen “Jara” liburua gazteleratu dute (2009-03-16 elgoiBARREN.net)
- Jasone Osororen ‘Jara bikiak eta bikoteak’ Elgoibar Ikastolako ikasleen libururik gustukoenen artean (2007-04-24 elgoibarren.net)