Munlet musika taldea 2002. urtean sortu zuten Ina Herr Professor eta Anita Lady Fingers mendaroarrek. Orain, “pixoihalak aldatzeko” denbora tarte baterako isildu behar izan dutela baliatuz, Inak Maraca Diablo abiatu du. Tarte luze batean metaturiko kantuak amaitzea lortu du eta gitarra iradokitzaileak eta tempo ertain eta ilunak nagusitzen diren zortzi kanturekin osatu du Hail Zigurat! izenburuko diskoa. Munleten elektro-punk-rock soinutik urrundu eta rock eskema klasikoetatik hurbilago dauden doinuak idatzi ditu mendaroarrak.
Inak berak grabatu du diskoa El Cubo izeneko bere estudioan, eta grabazioan zenbait musikariren laguntza izan du: Imanol Manterola (Uler 600 eta Karidadeko Benta), Iñaki Larreina baxua eta Alberto Gonzalez elgoibartarraren teklatua. Dena dela, egitasmoaren zatirik handiena Inak hartu du bere gain. (iturria: Nontzeberri)
- maracadiablo.bandcamp.com atarian entzun eta deskarga daitezke, doan, Hail Zigurat! diskoko zortzi abestiak.
∞Lotura duten albisteak:
- Munlet taldeak Mendaron girotu du bideoklip berria (2012-04-18)
- Kalean da Bicefalopedia, Munlet taldearen hirugarren diskoa (2012-03-07)
- ‘Infeccion’: Munlet taldearen kanoikada berria (2011-02-02)
- 'Cañon' lan berria aurkeztuko du Munletek Bilborock aretoan (2010-05-12)
- Munlet taldearen disko eta bideoklip berria: ‘Cañon’ (2010-04-20)
- EITBrako sintoniak egingo ditu Munlet taldeak (2009-06-25)
- Bilboko Kafe Antzokian joko du Munlet taldeak (2008-10-22)
- Munlet taldearen diskoa doan deskargatu daiteke Interneten (2008-07-18 elgoiBARREN.net)
- MySpace-en dauden talde eta musikari elgoibartarrak (2008-03-03 elgoiBARREN.net)
- Munlet (myspace.com)