Hauteskunde mahaietako kideak aukeratu dituzte

• Hauteskunde mahaietan egongo diren elgoibartarrak (excell)
• Hauteskunde mahaietan egongo diren mendaroarrak (PDF)

  Urriaren 21eko hauteskundeetan 2.878 mahai izango dira; 876 Gipuzkoan, 427 Araban eta 1.475 Bizkaian. Presidentea, mahaiko beste kideak eta ordezkoak derrigorrez egon behar dute hauteslekuan, horrela ez bada, eta justifikaziorik egon ezean, kartzela-zigorra edo isuna ordaindu beharko dute. Mahaiko kide bakoitzak 75 euroko dieta jasoko du eta Segurantza Sozialaren babesa izango du lanean dauden bitartean istripurik izanez gero.

 Araba, Bizkai eta Gipuzkoako udaletan egiten diharduten zozketa publikoetan aukeratu dituzte aipaturiko hauteskunde mahaietan egon beharko duten 24.500 kideak eta ordezkoak. Elgoibarren atzo egin zuten zozketa udaletxean eta Mendaron, berriz, joan den zapatuan. Udalek zapatura arteko epea izango dute herritarrei zozketa horien emaitzak aditzera emateko.
  Hauteskunde-legearen arabera, 70 urtez beherako edozein herritar izan daiteke mahaietako kidea, irakurtzen eta idazten jakinez gero.

 

∞Lotura duten albisteak:

• Elgoibartarrak Legebiltzarrerako hauteskunde zerrendetan (2012-09-17)