Osteguna, irailak 27

Leire Urkidi 2012ko urr. 2a, 09:30
Deskargatu Info Ahotsak :
Español English Français Català Galego

Atzoko greba egunaren ostean, zinemaldiak areto guztietako ateak ireki ditu berriro baina horrek ez du Kursaalera gerturatu den jendea gutxitu. Goizeko bederatzietarako kubo handia ia beteta zegoen. “The Imposible” estreinakoz ikusteko aukera.

1706638043725 Osteguna, irailak 27

 
Ewan McGregor Donostia Saria jasotzera etortzeaz gain, filma aurkeztera etorri da. Askotan galdetzen diot neure buruari zergatik betetzen diren aretoak errazago pelikula hauekin, izan ere, hauek gero ere ikusteko errazak dira, ez beste batzuk bezala. Egia da zinemaldian jatorrizko bertsioan ikusteko aukeran dagoela. Harrera bikaina izan zuten filmak eta protagonistak. Istorioa hunkigarria eta pelikula ona.
 

“Dias de pesca". Carlos Sorín

1706638043786 Osteguna, irailak 27

Carlos Sorín, zuzendari argentinarra beste behin bueltatu da zinemaldira. Oraingoan “Días de pesca” aurkeztera. Aurrez “Historias mínimas”, “Bombón, el perro” edo “El camino de San Diego” ekarri zituen Donostiara eta baita sariak eskuratu ere. Filmak ez nau harritu, Sorinen film bat da. Pertsonaien istorio bat, Patagonian girotua. Bere lanetan hain ezagunak egiten zaizkigun paisaiak, ederrak eta hotzak. Munduaren amaieran hasten da pertsonaien harreman sarea osatzen. Begiradek eta sentimenduek pisu handia dute lan honetan. Pelikula definitzeko gehien entzun ditudan hitzak “historia minimoa” izan da, baina ez beti zentzu txarrean. Gogora dezagun “Historias mínimas” bere lehen filma saritua izan zela eta gure artean ezagun egin zuela. Ondo kontaturiko istorioa da.

Fasle Kargadan / Rhino Season. Bahman Ghobadi.
Bahman Ghobadik filma asteazkenean aurkeztu bazuen ere ostegunean eman zuen prentsaurrekoa. Donostian zuzendari maitatua da Ghobadi eta gainera oraingoan Monica Bellucci aktoresaz lagunduta etorri da Donostiara.
Filmak Shael poeta kurdu-irandarraren bizitza kontatzen digu. 30 urte kartzelan igaro ondoren, bere emaztearekin (Monica Belluccirekin) elkartzen saiatuko da. Pelikula honekin poesia egiten saiatu da zuzendari kurdu-irandarra. Kritika banatu duen filma da, batzuentzat ederra beste batzuentzat aurkakoa. Esperimentu ausarta izan da baina ez ninduen guztiz bete. Hala ere, beste behin ikusi nahi dut! Zinean ikustekoa da!

1706638043840 Osteguna, irailak 27

1706638043916 Osteguna, irailak 27
 
Gizartea Elgoibar