Gaur (urriak 3) goizean Elgoibarko Makina Erremintaren Museoan, Euskal Herriko Unibertsitateko Iñaki Goirizelaia errektoreak eta Makina Erremintaren Institutuko Xabier Ortueta Presidenteak Prozesu eta Produktu Berrikuntzaren Ingeniaritza txandakako gradu berriaren aurkezpena egin dute, Espainiako sistema dualaren estreinako gradua, alegia.
Prestakuntza sistema honek, sustatzaileek azaldu dutenaren arabera, Frantzia eta Alemania bezalako herrialdeetan "ezarpen handiko" eredua izanik, ikasleak prestakuntzan zehar ekoizpen prozesuan sartzen ditu, eta denbora errealean bereganatutako konpetentziak garatzea ahalbideratzen die, enpresen eskakizunei hobekien egokitutako prestakuntza osatuena bermatuz.
IMHk duela hamabost urte baino gehiago abiatu zuen Txandakako Ingeniaritza programaren garapena. Programa honen arabera, ikaslea prestatu eta aldi berean enpresa batean kontratatutako lanean dihardu, enpresarekin dituen beharren arabera garapen profesionala adostuz. 2011 urtean Elgoibarko Institutua Euskal Herriko Unibertsitatera atxikitu ondoren, joan den irailean homologazioa gauzatu zen. Honela Espainiako esperientzia dualeko lehen unibertsitate ikasketa izatera iritsi da.
Europan prestakuntza duala edo txandakakoa ohikoa da eta aitortua dago Alemania, Frantzia, Erresuma Batua, Italia, Belgika eta abarretako herrialdeen hezkuntza sistemetan. Abantaila garrantzitsuak dituen etorkizuneko hezkuntza eredua dela azaldu dute, beste behin ere, IMHn bildutakoaek."Profesionalak gaitzen ditu enpresen beharren araberako modu doituenean, kontratazioak dibertsifikatu eta bermatuz; ikasleei aitortutako titulu akademikoa lortzea ahalbideratzen die, eta aldi berean merkatuan baliozko eskarmentu profesionala bereganatzen dute; eta horrez gain, kalitatezko enplegu egonkorraren sorreran laguntzen du, gazteak lan merkatuan progresiboki integratuz".
|
|
|
|
