Antolatzaileek, arropa erosoa eta zapata egokiak eramateko gomendioa egin diete interesatuei. Boluntarioak 11:00etan batuko dira Kalegoen plazan, eta Debegesakoek han bertan banatuko diete garbiketa lanetarako beharrezkoa duten materiala: eskularruak, zabor-poltsak, guraizeak... Ondoren, 13:00etan, mokadutxoa ere izango dela aurreratu dute. Hala, Debegesako Garapen Jasangarrirako departamentuak dei egin die herritarrei, haur nahiz helduei, boluntario gisa parte har dezaten. Hori bai, aurretiaz izena ematea eskatu die, besteak beste aseguruak eta luntxa prestatzeko ezinbestekoa zuelako zenbat jende batuko den jakitea.
Interesatuek 943 820 110 telefono zenbakira deitu dezakezue edo debaibaia@debegesa.com helbidera idatzi, urriaren 18a baino lehen. 18 urtetik beherakoak heldu batek lagunduta joan beharko dira.
Iaz hamasei boluntariok hartu zuten parte Elgoibarren ibaiaren garbiketan. Mendaron, bertriz, 13 lagunen artean garbitu zuten ikastola pareko ibai zatia.
∞Lotura duten albisteak:
- Hondakinez beteriko 150 poltsa atera zituzten Deba ibaia garbitzen jardun zuten lagunek (2011-11-15)